踏入羊年後，歐洲新車可謂層出不窮，就連未到新車亦同樣吸引㗎！亞Mark剛收到消息，話響嚟緊4月，寶馬會運嚟全新長陣版嘅730Li豪華轎車，以一台低轉有高扭力輸出（30.6kgm/3500rpm）嘅3.0公升直6DOHC偈（馬力231ps/5900rpm）為骨幹，當然唔少得一系列嘅豪華裝備同i-Drive裝置啦！據聞新車嘅預售價，不過係79萬咋！要較同級對手嘅平治S350L，便宜咗接近15萬咁多，以近期寶馬新7系有咁高銷售紀錄，今勻再添一員的話，確實魅力沒法擋㗎！若然唔想久等成為新7系嘅車主的話，咁就要行快一步，去Showroom落訂喇！