許志安向來是標準球迷，昨日他本打算赴廣州欣賞巴西大戰中國足球賽，但因當地肺炎病毒蔓延，安仔在友人多番勸戒之下，終於臨時縮沙，寧可留在香港看電視轉播。
安仔昨日接受電話訪問時說：「我有諗過返內地睇波，但啲朋友話嗰邊有疫症，猛勸我唔好去，所以我後尾都係聽朋友講，算啦，留番喺香港睇波，我會準時留喺屋企睇電視㗎啦。」
此外，安仔前晚與好友蘇永康各自駕車現身跑馬地，他發現現場有記者後，便駕車在跑馬地兜圈，其間因有採訪車開得太貼，安仔曾停車𤷪𤺧地說：「係咪想撞車呀？」語畢便開車返回其帝庭園寓所，未幾即有警員出現，勸喻記者離開。
而昨日安仔在電話中則說：「我諗住同康仔去飲嘢，但噚晚我好驚呀，因為跟得太貼好易發生交通意外，大家都應該安全為上。」
採訪：朱芷瑩
攝影：娛樂突發組