二手市場蓬勃，當然不是因為經濟差。尤其講到一些DreamItem，如名牌手袋、靚車、靚表，在經濟起飛年代生意一樣咁好。大家有錢就換車換袋換表了，有Taste有二手知識的，更會在二手市場中尋到寶。
講二手市場中，若果局限衫褲鞋襪呢個類別，肯定名牌手袋佔至大比例，一來手袋較易襯易選擇，唔似衣衫咁睇啱款又未必啱尺碼，二來名牌手袋通常質料手工都上乘，用上十年八載都唔難，平一大截用二手價買入都係上算。本版以後逢星期四刊出，這星期就同大家專攻最受歡迎嘅LV先。
記者：吳小明 攝影：黃子偉 模特兒：AlanaWong
香港LV價格要比歐洲稍高，很多人都知。事實上全世界LV價錢都要看着法國總部來調節，近期歐元強勁（由從前與美元相若，每歐元約兌7.8港元，升至現在的8.38！）亦馬上在香港LV店內反映，一個月內加了價兩次（據知上月22日及上周各加一次），所以話奢侈品不受經濟差影響。窮人無飯開，你有錢大可繼續月月換LV！
其實並無一套既定標準去定回收價，店子通常視乎款式的出產年份、貨量、熱門程度以及折舊程度來定回收價，所以各位想放貨時不妨走多幾間格吓價先。而二手手袋店名氣有別，要買，聲譽好的自然穩陣啲。但無論點穩陣，自己識Check，錢都會使得放心啲！
一．質料
真貨用特製帆布製，比較挺身及有皮味；假貨多用塑膠做。
二．嘜頭
真貨字樣清晰，假貨會比較模糊及字體偏大。
三．車工
真貨車工齊整及講究，假貨相反，並往往車線走晒位，用普通棉線亦極易斷。
四．觸感
真貨的帆布摸上手較有凹凸感，印花較明顯，相反假貨用料多為塑膠，表面比較平滑及反光。
無計，雖則LV推出過唔少其他皮革系列，但二手市場中最搶手的依然是最經典的Monogram帆布，當中又以細細個Size的BodyBag、ToteBag款最受歡迎，無他，二千零蚊就可以入一個DreamBag喎，唔搶手就假。
綜合兩間二手店米蘭站及二手店銷情所得，呢個的的骰骰嘅BodyBag最為搶手，Sporty外形最啱平時出街。
九成新$2,290（米蘭站）
九成新$2,799（二手店）
呢款全年長斷的Speedy手挽袋咁啱俾模特兒影相過後，經已名袋有主，話咁快又賣咗嘞。
若果問我心水，我自己就鍾意MonogramSpeedy手挽袋，因為容量特大，開工用好方便。
九成新$2,590（米蘭站）
俗稱牛角袋的Boulogne一樣是熱門搶手貨，兩店均日日有交收咁滯。
依然是小巧的袋款進佔前列，當然這款外號「小龍船」或「斜孭船」的Trotteur包買嘅人多，二手貨量亦自然多，貨如輪轉好合理。
因為王菲孭過而深入民心，這款斜孭袋又夠晒實用，到今時今日依然是唔少OL首選。
九成新$3,290（米蘭站）
俗稱奶粉袋的CabasMezzo是其中一款經典款式，容量特大，長賣長有。
輪都輪到其他皮革類別，呢款Monogram光面皮革Bobby斜孭是帆布以外非常搶手系列，外形咁英令佢輕易成為一眾型男必孭之袋。
九成新$3,990（米蘭站）
請來舞台設計師RobertWilson設計的限量系列，以紐約街道命名，推出無耐經已有二手市場，唔搶就假。
95年推出的LVCup運動袋，現在已經屬稀有品種。