台灣報章日前指有台灣遊客在農曆年間目睹舒淇和黎明在東京手拖手，昨日舒淇出席SK-II活動時，公開與黎明的好朋友關係，她更甜絲絲地表示曾到北海道暢遊。
舒淇昨日以SK-II代言人身份出席在金鐘舉行的「全新一輯『28天晶瑩透亮』護膚面膜廣告」記者會。舒淇穿上由時裝設計師鄭兆良設計的雪紡露背連身裙，明豔照人。
台灣報章日前有報道指黎明和舒淇在農曆年間在東京手拖手散步，舒淇昨日承認農曆年間與朋友到多個地方外遊，被問到是否去過日本，舒淇說：「都有人話睇到我同龍姓商人喺拉斯維加斯啦，其實我一月中就開始旅行，去咗澳洲、法國、美國，同埋喺日本嘅北海道玩咗三日，不過就冇去東京。」
舒淇更坦承與黎明是好朋友關係，舒淇說：「我同佢（黎明）不嬲都係好朋友關係，得閒一齊食飯傾偈，但冇特登約埋去旅行，不過撞到就好難講喇！」問舒淇可有在日本見到黎明？舒淇則嬌嗔地嘻嘻笑起來，似是默認在日與黎明一齊。
另外，黎明昨往灣仔會展出席中聯辦新春活動，問他新年在哪裏度過？他說：「我唔喺香港過年。」但轉頭又說：「我一直都喺香港。」有報道指他與舒淇在日本度歲，黎明說：「佢哋講乜冇所謂，今日話黎明喺呢度，聽日話黎明喺嗰度。放假過新年係私人事，留番啲私人空間畀我得唔得？」
問黎明承不承認與舒淇在一起？他說：「承唔承認都有嘢寫嘅，最緊要工作。」
採訪：卓美娟、梁錦雯
攝影：陳志嵐、甄朝健
