癡情DIY禮物夠冧人，但型仔夠殺的道理一樣永恒不變，為你找來最典型的例子——城大3T（Tall）。他們被稱為城大籃球校隊的三把刀，必殺技：入樽！有幾殺？每次比賽例必有一大批女Fans吶喊助威、走在校園內不時有女同學上前搭訕，更有人因而成就一段美好良緣！
撰文、攝影：徵德
「佢竟然可以雙手大力入樽！嗰一刻真係好震撼！之前完全冇諗過一個五呎多嘅人可以入到樽！」身高五呎九吋的何山如何奪取芳心？他女友的這番話完全分曉。
外號「彈跳王」的何山在平均六呎以上的隊友身邊顯得特別細小。而球場外卻老是有一個女孩，目不轉睛的望着他，半場休息時，還甜蜜地為何山遞上飲品。「我鍾意睇籃球，一入場就發現阿山，因為佢矮隊友成大截，好顯眼！」已和何山拍拖三年的Amanda說，她第一個念頭，就是那麼矮小也能入校隊，技術應該不俗，於是，整場賽事，她的注意力都集中在何山一人身上，結果深深被他的入樽妙技吸引，自然就成為何山的頭號Fans，最後Fans變情侶。Amanda打趣說，何山每次打波必做「跟得夫人」。「雖然佢唔係好靚仔，但打起波就真係好型，尤其入樽嗰一刻真係好矚目，所以一樣有好多女Fans！所以咪要跟到實囉！」入樽的「殺傷力」果然不可小覷。
身高六呎三吋，靚仔有型，本來已經所向無敵，偏偏又是「入樽王」，女孩肯定「暈」。「佢係我哋城大姚明，入樽勁真係出晒名，NBA好多明星做到嘅花式入樽動作，佢都一樣做得到！」連隊友都要讚兩句。高大的陽志光亦不諱言有不少女性傾慕者：「最多試過同一時間有四、五個女仔對我有意思，不過我有個女朋友喺澳洲，唔會再接受第二個！況且我都想放多啲時間落籃球同學業上！」真叫女Fans失望。
以準確的三分球聞名的「三分王」胡國峰，就絕對以實力取勝，十七歲入港隊，曾奪香港及各項國際籃球賽冠軍21次，就連隊友都尊稱他為「阿公」！阿峰亦承應，他自入城大後，有很多Fans都會託他的朋友要他的簽名，不過阿峰多數都會婉拒：「始終我只係一個學生，唔想搞到好與別不同咁！」不過熱情的Fans當然不會就此放過他，阿峰說，很多時候當他比賽完畢，都會有陌生人要求與他合照，當然不少是女孩啦！