湯寶如日前為自己的美容院BodySOS拍攝宣傳照，大騷玉背和股罅，十分誘人。湯記在樂壇沉寂了好一陣子，近日有傳唱片公司斟介她推出唱片，湯記對重返樂壇深表興趣。
湯寶如最近入股朋友開設的美容院BodySOS，搖身作老闆娘，湯記為省靚美容院招牌，日前特別真空上陣拍攝了一輯造型性感的照片，包括露背、出浴和大露股罅，全部造型更是由其好友張學潤（Nelson）出任形象指導，二人合作甚有默契。
對於去年樂壇不少舊歌手再出碟及搞演唱會，如環球唱片的黃凱芹，復出香港樂壇即成績不錯，湯記亦有意重出江湖，最近有消息指環球唱片有意斟介湯記再出唱片，湯記昨日在電話中說：「我都有意思出番唱片，𠵱家都有一啲唱片公司傾緊，但環球重未傾，可以嘅話，我希望可以最快喺五月出到唱片，跟住今年開到演唱會。」
湯記任美容院代言人，大賣性感，問到將來可會行性感路線，她說：「性感只限於幫美容院影相，其他拍戲就咪搞。」
而Nelson昨日則表示，因為跟湯記合作無間，所以拍攝時湯記完全放心地性感演出，Nelson在電話中說：「我之前同佢（湯記）開會傾過尺度問題，佢話好放心，知道我一定係美感至上，唔會整蠱佢。不過因為湯記全真空上陣，而現場幾乎全男班拍攝，所以佢都好擔心同覺得尷尬。」
湯記拍攝了一整天，先後換了七個造型，而所有衣服均是Nelson特別為湯記度身訂做，花費接近七位數字。
湯記的七個造型之中，其中一個是她攬着浴袍遮着三點重要部位，但卻露出滑溜玉背和性感的股罅扮出浴，Nelson說：「湯記個背部真係好靚，佢拍嘅時候好緊張，我不停教佢擺甫士。另外，佢着特別設計嘅泳衣造型亦都好靚，充份顯出佢33、23、33三圍數字嘅線條美，講真吖，我識佢咁多年真係未見過佢可以纖體到條腰得二十三吋，真係好弗。」
採訪：比華利
