董太噚日着靚靚出席婦女會團拜，八方以為董太對社會時事咁關心，一定對香港婦女問題有獨特見解，點知董太竟然對八方話冇諗過，只係苦着臉咁話：「你唔好考我啦！」唔知董太真係唔知，定係驚講錯嘢。
但係佢之後上台發言，就回復滔滔不絕嘅本色，大講以前做義工嘅威水史，話又去過醫院，又去過戒毒中心，重話有次去青少年中心蒲窩玩到流連忘返，作為一個咁前線嘅義工，冇理由唔知香港嘅婦女問題喎。
董太亦冇放過任何一個唱好香港嘅機會，講講吓做義工，突然轉話題，話丹麥王妃年年返香港都同佢食飯。董太話，如果香港唔好，王妃又點會年年返嚟呢？
（圖）董太同在場班阿太雞啄唔斷，重喺台上講咗成二十分鐘自己嘅義工史。 張家俊攝
傳真︰2623-9278
電郵︰