吳美珩有份主演的無綫劇集《九五至尊》，收視理想，她雖然身在美國三藩巿過年，但得悉收視不俗，十分高興。
吳美珩昨日在長途電話訪問中說：「我聽到朋友話畀我聽套劇反應好好，我真係好開心。其實我都好喜歡劇中日愛嘅角色，佢外剛內柔，同我現實生活嘅性格都好近似，我表面可以好強，但內裏都有軟弱嘅一面，我都會匿埋喊㗎。」吳美珩表示跟張可頤、江華和秦沛等合作演出《九》劇時，大家相處愉快，她說：「所以有好成績真係大家嘅功勞，我希望得閒可以大家一齊聚吓。」
此外，江華昨日在港台接受訪問，他說：「朋友話《九》劇口碑好，但唔知點解上周收視得二十九點（約一百八十七萬觀眾）咁少，我都好想得到無綫重視，但公司咁多人都要排吓隊。」