全國政協嘅新一屆代表三月初就會雲集北京，現階段當然最好玩重係猜吓邊個有機會跑出做常委甚至副主席。
霍英東係唯一一個超晒齡又唔使退嘅政協，佢繼續做梗中央領導人，八方問年屆八十九嘅徐四民點睇，佢話最大機會做常委嘅有陳永棋、黃光漢同伍淑清，但最後都係要由主席團提名，投票決定。而最重要梗係中共即將召開嘅二中全會推薦名單啦。
徐老重話今年肯定競爭激烈，因為同上屆比較，今年多咗人送禮畀佢叫佢幫手講好話。咦，咁都得？咁啲友仔送乜畀徐大炮呢？佢話咪茶葉同餅仔囉。咁又好似輕手咗啲噃。徐四民話佢真係好威㗎，上次提名中央差唔多全單照收，今次就一半人得咗，佢重覺得黃保欣唔應該繼續參選人大，搞到落選，應該好似黃光漢同棋仔咁，轉去政協玩，就唔使選得咁辛苦啦，另一個搞錯嘅當然係錢果豐。
傳真︰2623-9278
電郵︰