八方噚日講過小公主廖秀冬喺立法會外面差啲冇車坐，今日再講吓佢架與別不同嘅靚車。叫得做小公主，坐嘅都唔係一般局長嘅寶馬，八方噚晚見佢坐架銀灰色豐田大皇冠去會展參加中聯辦酒會，睇真啲，車門重印咗新款引擎MildHybrid幾隻英文字。
冬冬話佢架車其實係一間車行提供畀香港政府試用三個月，日本官員都係坐緊呢種車，特別之處係電力同汽油兩用，八方唔係好清楚架車幾時用電幾時用油，總之就係號稱可以減少污染，最適合呢位處理環保問題嘅環境運輸及工務局局長用啦。
（圖）小公主話好多局長都試坐過，而佢就做晒紀錄，留意架車上山夠唔夠力，排氣方面又點樣，暫時嚟講都幾滿意。
傳真︰2623-9278
電郵︰