中聯辦噚日喺會展開迎春酒會，各路人馬畀面出席，啲記者一見到李嘉誠同佢個仔李澤鉅出現，馬上好似蜜蜂見到糖一樣，追住問小超人個太太王富信係咪又有咗，將做第三任老竇嘅李澤鉅鬼咁歡喜地承認，問佢幾時係預產期？小超人忽然轉英文台，話「Itdoesn'tmatter」咁又係嘅，幾時生有乜好問啫。
啲記者於是轉去追問超人再做阿爺有乜感受？想抱個男孫定係女孫？點知誠哥話冇所謂，男女都好。咁羊年好唔好？超人梗係話好，重不斷話：「羊年係好年。」
（圖）李嘉誠兩父子喺酒會上俾眾多記者包圍。
傳真︰2623-9278
電郵︰