早兩日，亞Mark曾經同大家提過，話近期歐元高企，因而令到唔少歐洲車代理商都有加價嘅壓力，就正如近年深得車迷追捧嘅法國標緻，聽聞旗下車系響踏入羊年後，亦迫不得已稍為將車價調高呢！但相信響現今細車當道嘅情況下，仍不乏車迷追捧㗎！其次，好多車迷會關心到佢哋今年有否新車推出呢？經亞Mark打探過後，知道真正彎路之王嘅180匹206RC有望會響8月抵埗；部車除咗引擎有升級外，就連懸掛、制動及設備配搭亦有所提高，對追求操控靈活性嘅206Fans嚟講，委實係一大好消息；至於話開篷版嘅307CC，就睇吓年底前有否機會在港面世喇！睇嚟時下嘅優皮一族，又會有好選擇喇！