曾經為亞視創出收視奇迹嘅《百萬富翁》，上星期五終於播出最後一集「終極群英奪百萬」，最後八強冇人得分多過八萬，結果由年初三嘅台主鄭德璋捧走一百萬獎金，重幫到佢償還部份負資產債務，可謂大團圓結局。
點知八方收到料，原來嗰晚出咗個大蝦碌，就係最後一集最高分得主莫宇浩出線嘅快而準問題，問題係：按出生日期先後排列四個科學家，a.伽利略、b.牛津、c.瓦特、d.法拉第，正確答案係abcd，點知電腦同莫宇浩嘅答案都係abdc，莫宇浩錯咗但係出線，原本答啱嘅就眼白白失去贏一百萬嘅機會。
聽講亞視事後先發現，為咗補救，惟有私底下向佢哋道歉，亦將撻Q嘅鏡部剪晒冇播出街。
亞視公關宣傳總監黎文卓同八方解釋，電腦當時有故障，亞視會向受影響人士送贈禮物，又承諾下次再有類似活動，會優先請佢哋上去玩。
傳真︰2623-9278
電郵︰