若然打電話畀朋友，聽到的是陳慧琳或李克勤把聲，又或者是鋼琴聲，總之並非你聽慣的「嘟嘟」電話響聲，千祈唔好收線住，因為未必是你打錯電話唔知駁咗去邊度，可能你個朋友用緊CSL的RingMaster服務。無論是1010「尊響」接駁鈴聲或One2Free「估你唔到」接駁鈴聲，其實用法同內容都一樣，若果你用咗呢項服務，可以自選各種玩嘢聲如打機、沖水或摩斯密碼等音效、陳慧琳或李克勤預錄的親身演繹，或者是李雲迪的鋼琴演奏作為接駁鈴聲，當朋友打畀你的時候，聽到的不再是傳統的「嘟嘟」聲。想試聽各種鈴聲或申請使用，可致電91868866，每月月費$15，每首接駁鈴聲收$5/30日（收費直至鈴聲被更改或刪除為止），而每次可同時預設最多5首接駁鈴聲，而播放次序可選擇依次序或隨意播放。
數碼通亦有相類似的服務，申請使用後可㩒#0199試聽鈴聲，每月月費為$15，每首接駁鈴聲收$5。
記者：招佩珊
1010/One2Free客戶服務熱線：28881010/25123123
數碼通客戶服務熱線：28802688