梅艷芳昨日以「電影大使」身份，出席於灣仔舉行的二十七屆金像獎記者會。電影《無間道》大獲好評，更被視為今屆金像獎大熱，阿梅雖未睇《無》片，但她竟表示看好該片五位男演員攞金像獎，似乎有點兒戲。
第二十七屆香港電影金像獎、香港亞洲電影投資會及第二十七屆香港國際電影節將分別於四月六日、七日及八日舉行，昨日在灣仔會展舉行聯合記者招待會，而金像獎候選名單則於下周二（十八日）公布。
昨日出席記者會的嘉賓包括「電影大使」梅艷芳、香港電影金像獎協會主席張同祖和張達明等。阿梅表示三個電影活動都安排在四月份舉行，是希望能使四月的香港成為電影之都。
問阿梅看好哪位男、女演員在金像獎中奪獎？她表示還未有時間看電影《無間道》，但亦力撐有份演出該片的好友劉德華，阿梅說：「《無間道》囉！雖然我重未有時間睇呢部戲，但係好多朋友都講劉德華、梁朝偉、黃秋生、曾志偉同埋杜汶澤五個都演得好出色。而女演員方面我就唔想講住，因為我未睇晒啲片，講咗會對佢哋唔公平。」阿梅未看過《無》片就吹捧好看，但問她最睇好哪位女演員時，她又不願回答，身為電影大使這樣的態度似乎不夠認真。
張同祖則表示電影如《無間道》、《英雄》和《金雞正傳》等都是叮噹馬頭，不過他亦較看好《無間道》。
此外，劉德華昨天接受商台電話訪問時，稱讚黃秋生在《無間道》中的演技，他說：「我同秋生喺《老鼠愛上貓》入面，特登改到我哋啲對白古裝啲，咁同其他演員相比，喜劇感覺就強咗，不過因為演得太搞笑，最後剪晒。」
