銀器專門店「SilverFour」早於深圳市拓展業務，不到一年，先後共有4間分店位於深圳，今年年中在北京亦有5間專門店加盟，而佢哋第一間喺香港分店，亦於本月8日在蘭桂坊啟業。情人節來臨，該店將會以優惠價售賣情侶戒指及吊墜等銀器飾物，只要大家以正價購買第一件飾物，第二件飾物即可享受6折優惠，但唯一條件係第二件飾物嘅售價不可高於第一件。店中嘅銀器飾物以925純銀製成，以月亮及啤啤熊的純銀首飾最搶手！
記者：梁煒健 攝影：陳盛臣
今年係啤啤熊100周年，唔使講又係啤啤熊公仔一定最受歡迎。這款純銀製啤啤熊吊墜，雙手雙腳均可自由活動，十分別致，乃近日店中最炙手可熱嘅銀器飾物。
最新製成嘅羅馬字吊墜及戒指，長方形嘅吊墜均刻有大大隻羅馬字，款式夠Classic，戒指上嘅圖案亦十分簡潔，買嚟送畀男友最受落。
情人節買乜禮物會一男一女都啱用？左邊一對戒指設計成皇冠、后冠，相當有貴氣，手工亦見精細。另外一對月亮戒指，不同樣貌嘅月亮一樣可轉動呢！
銷售點：AD.BC.&SilverFour
地址：中環蘭桂坊2號1樓
電話：28686076