新世界發展旗下嘅太平洋港口噚日正式易名為新創建，首日掛牌，新世界喺會展新翼搞咗個酒會，主席鄭裕彤同董事總經理鄭家純率領新創建一眾高層出席。
新正頭酒會特別多，恒生銀行副董事長兼行政總裁鄭海泉噚日要趕三場，分別係民政局、新創建及機場管理局嘅酒會。
恒生銀行將公布業績，所以鄭海泉對於有關銀行的問題，完全封嘴，只係話春節期間去咗美國加州探女。佢個女剛升讀大學一年級，暫未選科，但相信都是選擇經濟或會計。
而彤叔新春就去咗同朋友打高爾夫球，輸咗幾萬銀。八方笑說彤叔有幾十億身家，幾萬銀濕濕碎啦！點知彤叔答話「我都係得幾萬銀人工。」
（圖）鄭海泉（左）到鄭裕彤主持的酒會，講的是新年去邊度玩。
傳真︰2623-9278
電郵︰