NBA明星賽花絮

季後賽首圈改制
由於美國以至全球經濟放緩，NBA和球員工會在明星賽期間達成協議，今季季後賽首圈將由五場三勝制改為七場四勝制，以增加入座和電視直播收益；而季前熱身賽亦會推廣全球，地點除以往日本外，還包括中國、西班牙、法國及墨西哥等。

中港台傳媒追訪姚明
姚明魅力果然不簡單，今年明星賽就吸引超過二十個中港台傳媒遠赴亞特蘭大作現場報道，部份中國傳媒更差不多二十四小時貼身追訪姚明㖭，不過講番香港，就只係得我哋《蘋果日報》派員直擊呢次籃球盛事。

兩款明星鴨搶手
早前NBA推出一批限量版明星鴨，送畀入場睇波嘅觀眾，就掀起一輪排隊入場睇波風；NBA食髓知味，再推一大批全新All-Star明星鴨，售價十二美元（球會波衫）同十五美元（明星隊波衫）嘅兩款球星明星鴨成球迷的搶手貨。

鷹隊啦啦隊熱力四射
係NBA球迷都知湖人嘅啦啦隊最索，不過鷹隊嘅啦啦隊都唔差，樣靚身材正之外，襯埋超短熱褲同露臍裝，簡直熱力四射。