一到情人節，唔理你係新相識定舊情人，一份禮物絕對少不了。不過送禮都要因應對方的性格和需要，再慢慢挑選一份合她心意的禮物。如果重未想到買乜好，不妨考慮送支特別的香水玫瑰花，索性一物二用夠實際。
記者：羅惠芬 攝影：林栢鈞、陳盛臣
唔係所有女仔都鍾意香水，但如果你的愛人係香噴噴一族，咁就一定會有很多選擇。
情人節送花已是指定動作，但如果你過去幾年都係用呢招，係時候要轉一轉。花可以照送，不過就用呢支Pupa的花形香水代替。唔鍾意粉紅色，重有黃、橙、紫、淺藍、淺綠、米白等顏色選擇，香水味又隻隻唔同，送呢支花係咪好特別呢？
女裝$240 男裝$280（莎莎）
話明情人，梗係要一雙一對啦！淨係送Montana的香水就一定唔夠，加多隻熊啤啤毛公仔，女友一定冧。重可以買多隻男裝自用，一人一隻，襯晒！
若情人愛塗脂抹粉扮吓靚，咁以下的化妝品就好啱佢用。
BodyPowder$280
唇彩$120（尖沙嘴海港城）
心形圖案永遠是最應節，Madina就將大大個心印在盒BodyPowder上面，重配埋個有茉莉花香味的粉撲。嫌唔夠咩再加多一個印上烈燄紅唇Pattern的唇彩，浪漫加埋熱情，她重點可以唔投降？
售價未定（銅鑼灣崇光）
Tony&Tina於今個星期將會推出三件新產品迎接情人節，分別是GlitterPencilSet、閃粉套裝及唇彩Palette，全部都以閃亮為主，送畀好Yeah的她就最正！
如果害怕香水買唔啱味、化妝品揀唔啱色，不如買套GiftSet就最穩陣，心思雖然少啲，勝在好啱用，出錯機會亦小啲。
（銅鑼灣時代廣場）
包括活細胞RS-280再生精華露和再生面霜，原價要成$3,120，情人節就做推廣，6折優惠售$1,800。
（金鐘西武）
包括最受歡迎的happier香水、happy身體噴霧及ShimmerGel一支，原價$970，現售$485。
於JPG香水專櫃購物滿$600以上贈送（金鐘西武）
JPG今個情人節除大玩迷你版LeMale同Classique香水外，還加入了一個別致的心形相架。預先放張合照於禮物盒內，讓她把盒拆散來做相架，實行日日都見住你，都算幾有心思。
GaiMattiolo的香水本來就無乜特別，不過今次配埋個火辣辣紅唇包裝，就成個靚晒。送畀情人，除咗代表你對她夠熱情，重可以暗示雙方關係更進一步㖭！
4款別致的IsseyMiyake迷你版香水，分別裝在有L、O、V和E英文字母的盒內。不過，迷你香水只屬贈品，於IsseyMiyake香水專櫃買滿$500就可獲贈其中一款。如果肯換齊個「LOVE」畀情人，亦即表明她在你心目中有幾重要，相信她一定冧死。