每天晚上都聽見某牌子的MP3在電視上大賣廣告，自己對這科技仍是空白一片，有點說不過去，下定決心，好好學習一番。
先去選購一個MP3，找一個客人較少的下午，捉住售貨員問長問短，最後買了一款256K容量，兼容收音機與錄音功能的，重要的是樣子設計小巧簡單，掛在胸前也不會太突兀。
回家安裝軟件，豈料與之搏鬥了一個鐘頭也未完成，致電「電腦怪」朋友，透過電話一步一步的跟着做，革命終於成功。下一步是上網找想下載的歌曲，不是自鳴清高，的而且確想找尋合法下載歌曲的網站，但又是搏鬥了一個小時，找到的可謂少之又少。
「電腦怪」朋友供給了幾個網址。我的天！中外新舊歌曲全部㩒個掣就搵到，代價是下載歌曲的同時，其他人也可分享你的電腦某檔案內的資料，當然，由於是不合法的關係，另一個沉重代價可能是被人捉去坐監。
電腦雖然已經可以下載電影，但對住個電腦芒睇完一齣戲始終唔係一件太舒適嘅事，但用嚟下載歌曲則確然係快、靚、正。科技的日新月異經已令電影工業越來越難做，但相比之下，音樂工業更加首當其衝。如何可以唔使俾科技玩繼而玩番科技轉頭，相信係音樂工業中的話事人每日苦思的問題，希望在羊年大家腦活神通，諗到好橋，賺番晒應該賺到嘅錢。