紅粉緋緋的妝容，何時何地也搶眼過人。記者日前邀請了王菲及鄭秀文御用化妝師Zing，為名模周汶錡示範了兩個一淡一濃的紅色妝容。二人還異口同聲表示使用好的護膚品，等同用了好的化妝品。
紅粉緋緋妝容的熱潮已維持了好一段日子，至今仍是亞洲女士最喜歡的妝容。記者日前邀請了王菲及鄭秀文的御用化妝師Zing為名模周汶錡（Kathy）示範了兩個一淡一濃的紅色妝容，帶出濃妝淡抹總相宜的效果。
Zing為Kathy示範的兩個有強烈對比的妝容，先一個是接近沒有粉底，以及一個適合春夏的淡紅色妝。Zing說：「平時一個人化妝，先搽一個fullfoundation，再搽粉、唇膏同mascara，好似Kathy嘅皮膚咁好，可以同佢化一個接近冇粉底嘅妝，感覺出嚟會好balance同young啲，個妝更加貼面同可以突出佢自然美嘅一面。」
之後，Zing再為Kathy化一個紅粉緋緋的妝，他說：「我認為紅色好有吸引力，又會好sharp，不過我認為個感覺最好casual啲，注重balance同harmony，唔係就會overdone。」Zing在早前為Kathy完成的淡妝上，塗上粉紅色的mascara、紅色的胭脂及唇膏，對於要留意的地方，他說：「成個妝唇膏嘅顏色會係最突出，而搽胭脂時，要將個掃打橫，用有層次柔軟嘅掃就可以輕易控制效果。」
Zing和Kathy並同時贊同使用好的護膚品，等同用了好的化妝品。Kathy最近便使用了來自日本、王菲也使用的BAW護膚品，Kathy說：「日本人不嬲都好細心，而BAW嘅產品源自氣鳴石，岩石係天然礦物，所以感覺會好天然舒服。」
Kathy續說：「我重有用呢啲氣鳴岩嘅精華開水嚟飲，而佢哋嘅謢膚品用咗天然嘅骨膠原，冇咁多香料，所以好滋潤易吸收。」BAW全系列產品，於中環D-mop及銅鑼灣Marie有售。
採訪：RitaLeung
攝影：ChenWaiOn
