前兩日八方同各位讀者報過料，台灣《蘋果》初六誓師，要創造另一個奇迹，噚日台灣《蘋果》首先開創咗台灣報業一個紀錄--成立突發新聞機車隊。
車隊現時有五十部電單車、八輛四驅車，最終計劃加到一百部電單車及十五輛四驅車，重有一百四十八位突發記者會陸續到位。噚日搵住四、五十位新同事影張靚相先，張相前排重係三位英姿颯颯嘅年輕女記者！
台灣《蘋果》突發阿頭方仰忠同八方講，台灣報紙原來唔興設獨立嘅突發新聞組，平時唔會有突發記者喺路上巡察或者二十四小時候命出發。佢笑話，其實都唔知點去做台灣突發先行者，只係慢慢摸索。
傳真︰2623-9278
電郵︰