孫佳君昨日一身性感打扮，往銅鑼灣魅本美國纖體公司任新店開幕嘉賓。孫佳君剛從新加坡返港，她表示有找相士看羊年運程，她說：「事業會順利，我已經接咗兩部戲。」
問孫佳君情人節是否已有節目，她笑說：「情人節會喺香港，不過𠵱家未有約會，重等緊人邀請去第二度過！」問可有收過車或樓為情人節禮物，她開玩笑說：「冇呀，聖誕節就有，講笑咋！冇收過，不過日日都想收㗎啦！」
提到早前羅兆輝遭銀行申請破產，孫佳君說：「真係？我哋好耐冇聯絡啦！都會同佢去飲茶嘅，要解決嘅問題都係要解決。」
採訪：陳梅香
攝影：陳偉權