情人節的來臨，又要為愛侶設計一連串的慶祝活動，山頂看夜景、高級餐廳品嘗情侶套餐、送花送朱古力……雖然浪漫，但又要迫又要忙，倒不如兩小口子肩碰肩在家中看着愛情片，一起大笑一起落淚，不是更溫馨嗎？
記者：藍雪紅、梁佩芬
街訪攝影：林栢鈞
自從成為練太的伍姑娘，面上總掛着一副幸福婦人的笑容，難得的是仍有一顆少女心，喜歡有靚人靚景的溫馨愛情片。
「我哋兩公婆都好鍾意JuliaRoberts（茱莉亞羅拔絲）同HughGrant（曉格蘭特）主演嘅《NottingHill》（摘星奇緣），因為我哋特別鍾意型人單身族嘅事物，NottingHill呢個地方完全符合要求，而且套戲有大明星，又有靚景，視覺已經一流，故事亦都好溫馨，尤其是畀到男仔一啲Fantasy。呢套要極力推薦畀讀者。」愛情片絕非女性的專利。
「由GwynethPaltrow（姬妮芙柏露）及BenAffleck（賓艾弗力）主演嘅《Bounce》（自製多情）、JenniferLopez（珍妮花洛庇絲）嘅《WeddingPlanner》（戀上妳新郎）及MegRyan（美琪賴恩）嘅《FrenchKiss》（一切從失戀開始）全部都好Sweet㗎！」
「想睇中文片嘅話，可以考慮一下《瘦身男女》，輕鬆又開心。」
「我好贊成情侶們一齊睇電影㗎！無論喜怒哀樂都可以一齊經歷，尤其是愛情片，睇完啲咁Sweet嘅嘢，大家心中都會有寄望。」
除了伍姑娘的Sweet推介之外，以下的愛情片亦不妨一看。
以為男人覺得愛情片婆媽、老土又唔實際，全錯！
陳先生睇Titanic睇到喊
「初初喺戲院睇都重頂得住，點知一出VCD就買返屋企，諗住都係回味吓，點知愈睇愈投入，喊到收唔到聲，之後重複睇咗近十次，到最近半年先無再睇！」
RobinNottingHill結局最感動
「NottingHill中，最正係結尾時，大口姐真係搵到個深愛自己的人，一起坐在公園張有意思的櫈上，如果香港都有的話，我都有這個心願。」