「我都想生細路」

陳奕迅九六年公開與徐濠縈相戀，二人過同居生活已有一段日子，至今他倆踏入拍拖第七年，七年之癢期限既到，問Eason有否周身痕？他瞇瞇嘴笑道：「呢行要痕，就一定會痕嘅，呢行咁多俊男美女，除咗我之外！我又冇呢啲喎，拍戲就拍戲，唱歌就唱歌啦。」
七年來，Eason先後與與楊千嬅和車婉婉傳緋聞，但很快沒了下文，因為他和徐濠縈十分恩愛，Eason說：「啲嘢係啲記者傳之嘛，我都唔知嘅，嗰時我同張栢芝拍《十二夜》，重拍埋床上戲，都冇俾人傳啦，同車婉婉嗰單，講出嚟啲人都笑嘅。」

互相尊重繫感情
Eason揚言與徐濠縈維繫感情之道，在於「互相尊重，互給對方空間」，其他的與一般情人沒分別，他說：「得閒食吓飯，畀啲surprise（驚喜），送吓花都有嘅。」最近Eason在一本英文雜誌的訪問中，透露他在拍拖初期，有次徐濠縈跟他提過，想給他生孩子，那一刻Eason吃驚得不知所措，因為他從來沒有想過這個問題，現在重提舊事，長大了的Eason心情自然不同。
Eason說：「女仔係咁㗎，廿二、三歲就諗呢樣嘢，尤其佢喺嗰時冇乜嘢做，𠵱家搞吓雜誌，搞吓形象，諗法又唔同喇。我重後生，得廿八歲。我都想生細路㗎，三十幾歲先至生都未遲啦，佢又唔急。」
在Eason的演唱會上，徐濠縈會替他做形象，台下則繼續做他背後的女人，跟他一同在紅館度過七年之癢。