情人節就快到，唔想再好似往年咁一個人過，就要落足心機度條橋。響公司睇中個靚女同事又唔夠膽約佢去街？只要響情人節送番個音樂座畀佢，已經係好煞食嘅浪漫招式。
一個音樂座，有好聽嘅音樂、靚靚嘅外形，加埋你十足嘅誠意，包保可以打動佢嘅芳心。
記者及攝影：蘇朗
Model:StevenChu&BeckyLi
近年啲姆明公仔走勢非常強勁，皆因呢班妹妹仔已變成購買力強勁啲OL仔，其實鍾唔鍾意姆明嘅人，睇見佢同女朋友咁恩愛，都已經好明白你對佢嘅愛意啦！
入面首歌係「WhenYouWishUponAStar」，同佢講今年追到佢係你最大嘅願望，係人聽見心都甜埋！
好多女仔都鍾意大口仔個樣夠Cute，而且好似無時無刻都咁開心，送呢個音樂座畀女朋友，表示自己同佢一齊時時都笑口常開，點會唔冧？
如果你鍾意嘅女仔係一個十分喜歡浪漫嘅人，呢款音樂座一定會好得佢歡心，因為個音樂座造型就十足一個打扮漂亮嘅仙子咁，靚得嚟又十分富幻想色彩，佢睇見一定鍾意。
呢個音樂盒玩反璞歸真，想聽音樂就一定要自己落手落腳搞先得，啱晒𠵱家追求潮流一族，呢個音樂盒嘅歌仔係「有隻雀仔跌落水」，重係木製㗎！攞上手真係好Raw，好有Feel。
呢隻貓仔外形實在好可愛，而且當音樂播放時，佢就好似響天空飛緊咁，如果你女朋友係酷愛自由嘅愛貓之人，她就一定會喜歡你的禮物！
瓷器音樂座望落特別矜貴，如果你女朋友鍾意啲「矜貴嘢」，呢個熊仔音樂座就夠晒睇頭，高貴得嚟又可愛，包保佢睇到開心兼猛讚你識貨。
今年個桃花位喺正正南位，大家不妨放個音樂盒喺度，可以有助桃花運；如果想人緣再好啲，可以喺音樂座旁放杯水，就包掂！
Azonaa02：銅鑼灣百德新街22至36號名珠城地下（28080606）
city'super：尖沙嘴海港城商場三樓（23758222）
Kalm's：銅鑼灣時代廣場7樓709號舖（25062302）
HoneyFloristCo.：銅鑼灣地帶1樓144號舖（28818762）
Zoe&Bear：尖沙嘴海港城3324號舖（21170906）