雖然王永平推出嘅自願退休計劃重有幾個星期先至全部出台，但係公務員事務局個新網頁已經預計會大排長龍兼且大塞車。
原來當局為咗方便各職級嘅同事可以知道自己如果參與第二期自願退休（即係食「瘦鷄餐」）一次可收到幾多賠償，以及每月可以咬幾多糧，所以特別設計咗呢個新網頁，等大家一輸入個人資料，就有答案彈出嚟。
八方一位官場老友笑住咁話，其實當局一早就有類似嘅網頁畀啲參加咗不同計劃嘅公務員計算退休金等事宜。佢都有玩過，但係一睇條數，馬上關機，因為攞得咁小錢，點夠使，自己又咁大開支，於是叠埋心水做公僕，始終係鐵飯碗。佢𠵱家最求神拜佛嘅係阿松手下留情，唔好咁大幅減人工，就飲得杯落啦。
傳真︰2623-9278
電郵︰