【本報訊】伊利沙伯醫院醫生嚇死病人事件引起衞生福利及食物局局長楊永強的關注。他認為事件涉及醫生與病人的溝通技巧，而這種技巧對病人治療成效非常重要，院方行政人員會就事件作出調查。
楊永強昨日出席電台節目時稱，由於醫管局表示，事件已轉交死因研究庭調查，現階段不便評論，但「行政人員都會睇番呢件事，係咪醫生嘅溝通唔係咁好呢？要再睇番點處理。」
他說，醫管局一向很重視醫生與病人之間的溝通技巧，大學醫學院課程也有強調這點，有些大學更把溝通技巧列入考試範圍：「呢樣嘢好緊要，病人同醫生嘅關係好影響治療成效，病人對醫生冇信心，或者病人唔敢同醫生講佢啲憂慮，好多時治療過程就會唔順利，好多藥都會嘥咗，因為病人自己會有自己嘅理念。」
他說，醫管局設有不少有關課程，但人際技巧並非簡單上一堂就學會，這涉及人生經驗、也牽涉時間資源。公立醫院醫生比較忙，很短時間內要看幾十個甚至幾百個病人。但其實目前的公立醫院醫生已經多放了時間向病人解釋。
「但係個技巧要求係好高，譬如話病人突然間入咗醫院度，有個心臟病好嚴重嘅，你要解釋啲嘢，對唔同嘅人要用唔同嘅方式處理，有時你點解釋都好啦，病人都唔會接受嘅，醫生有時個壓力都好大嘅。」楊永強說，有時病人家屬會在病人過身後自責，還會找醫護人員發洩，醫護人員了解到家屬心情是不應該介意：「但當然醫護人員都係人啦。」