八方曾經講過，光華文化中心主任路平小姐除咗係官，還有一重作家身份，連特首老友兼「國師」葉國華都係路小姐嘅讀者之一。
咪以為路平做咗主任，就會封筆，佢最近同八方講，來到香港無論適應方面有幾忙，都會繼續寫作，重係寫舞台劇劇本。因為路平一早已經約好另一位作家，兩人合寫一個名為《驚異派對》嘅舞台劇，連喺台灣上演嘅日子同場地都定好晒，冇得縮沙。
八方一聽個劇名《驚異派對》，重以為係懸疑驚慄偵探片，點知路平話係探討性別嘅作品，由於其中一部份會喺香港完成，可能會加入香港特色。近排香港最「驚異」嘅話題，莫過於二十三條立法同葉劉淑儀，唔知路小姐會唔會將呢兩樣元素加埋落套劇度呢？
（圖）路平做咗官，都冇放棄寫作。
傳真︰2623-9278
電郵︰