無綫趁昨日年初八，在清水灣電視城舉行新春團拜，董事局主席邵逸夫由三位應屆港姐陪同出席，冠軍林敏俐及亞軍左慧琪充當左、右護法，攙扶六叔出入，其間六叔更不停同兩位靚女咬耳仔。
事後左慧琪大讚六叔英文了得，因六叔以英文與她交談，她說：「六叔問我點樣過年，佢啲英文好叻，佢重用英文同我講，話佢就快一百歲，佢做到嘅嘢，我都可以做到咁喎。」而林敏俐也說：「六叔同我拜年囉，佢話喺新年見到咁多人，好開心，佢話自己就嚟一百歲，希望自己身體健康。」她稱知道六叔有練氣功的習慣，望下次能向對方請教練氣功之道。
此外，左慧琪、保采芬昨日下午往銅鑼灣出席「情濃二月」活動，早前有名癡情男子送花給左慧琪，而昨日他亦有出現公開活動，不過一見記者影相，便立即離去。問左慧琪可會接受該名男子的追求，她說：「唔會，佢都有寫信畀我，我揀男友係睇內在美，最緊要人好。」