大肚嘉芙蓮老公拖實好幸福
柏林影展《芝加哥》打頭炮

第五十三屆柏林影展，前日剛於德國揭幕。被喻為奧斯卡大熱的荷李活電影《芝加哥》，被選為影展的開幕電影。電影中三位主角李察基爾（RichardGere）、雲妮絲惠嘉（ReneeZellweger）及嘉芙蓮薛達鍾絲（CatherineZeta-Jones），均親臨盛會，令是次柏林影展的開幕禮星光熠熠。

老公都未知仔定女
腹大便便的嘉芙蓮薛達鍾絲，前日由丈夫米高德格拉斯（MichaelDouglas）陪同下現身影展，因為她將於下月臨盆，身形非常豐滿，就連胸脯亦升級。被問到將再為人母的感覺，嘉芙蓮難掩興奮心情，她說：「我知道呢胎係仔定女，不過我除咗阿媽之外，冇話畀任何人聽，包括我老公在內，因為我想畀個驚喜佢哋！」
此外，片中另一主角雲妮絲惠嘉，被傳將演出《BJ單身日記》續集，不過身為主角的她，卻對新片的籌備情況一無所知，她說：「我唔知會有乜嘢發生，根本無人知發生緊乜事！」而於今次影展中，《芝》片屬觀摩性質，並不會與由張藝謀執導《英雄》等電影爭奪最高榮譽的金熊獎。

候選編劇工會大獎
與此同時，《芝》片於美國方面又剛獲當地編劇工會選為本年度最佳改編劇本的候選電影，其他入圍電影還包括《此時．此刻》、《薯嘜先生》及《單親插班生》等。至於最佳原著劇本獎，亦由《紐約風雲》、《我的大嚿婚禮》等電影角逐。