麥浚龍（Juno）日前探訪老人院，與一班婆婆玩遊戲，Juno向她們派利是及名廠暖水壺，而一眾婆婆亦對Juno愛護有加，不時大呼其名字。
這個農曆新年對麥浚龍來說，似乎別具意義，原因是這是他踏入樂壇後的第一個農曆年。Juno日前與十多名fans專程探訪老人中心，與近百名婆婆玩遊戲，更大派利是、賀年糕點，而每位婆婆亦獲贈一套名廠暖水壺。
當日約近百名婆婆出席在鑽石山「竹園區神召老人康樂中心」所舉行的活動，現場一邊播着Juno為人熟悉的歌曲《愛上殺手》，一邊與婆婆玩傳氣球遊戲，勝出的可得大利是一封，而Juno的十多名fans則一早準備好印有Juno字樣的年糕及蘿蔔糕等，讓婆婆享用。一班婆婆不時大叫Juno的名字，瘋狂程度比起他的fans可謂有過之而無不及，其中一位婆婆更說：「Juno，我哋成日喺電視見到你，你唱歌好好聽呀！」另一位婆婆則對Juno說：「你將來開演唱會，我一定買飛。」
Juno認為今次探訪很有意義，他說：「見到啲婆婆開心，我都覺得好開心，不過我入行半年幾，都冇時間見自己外婆，呢個新年有一日假，我會同屋企人同埋外婆食團年飯。」
被問到大派名貴禮物是否親自掏腰包時，Juno說：「啲禮物係經理人公司搵到贊助，送暖水壺係諗住有送溫暖畀佢哋嘅意思，利是係我自己畀嘅，算係一啲心意。」 採訪、攝影：卓美娟
