蘭花欣賞大會
不管你是花癡與否，今天在大埔文娛中心舉行的第十三屆「大埔國際蘭花欣賞大會」絕對不容錯過，皆因場內有不少珍貴蘭花展出，展品不乏數百萬元貨色㖭，只要畀$10，由早上9:00至晚上8:00任你睇。
與寵物小精靈玩遊戲
一眾寵物小精靈齊集尖沙嘴新世界中心新世界廣場，你除了可跟他們合照外，更可在內參與各項攤位遊戲，時間上午10時至晚上10時，收費：成人$45，小童$30。查詢：28114900
Noddy陪你講故事
來自英國的經典卡通人物Noddy，今日下午2:00至6:00會嚟到東涌東薈城及屯門市廣場的百佳超級廣場，佢除咗會同各位小朋友拍照及講故事外，更會與一眾小朋友玩填顏色遊戲。全部都係免費㗎。
秦漢文物展
對中國歷史有興趣的朋友，不妨到香港歷史博物館一看名為「戰爭與和平」的秦漢文物精華展，展品除咗有跟真人同高的兵馬俑外，更有近年的重大發現──漢景帝陵所出的文物。畀$10，入到場睇餐飽。
同20呎基爾獸合照
𠵱家去玩具反斗城沙田分店，可以免費同20呎基爾獸公仔拍照，場內亦有數碼暴龍電子遊戲即場比拼，另外亦有激鬥戰車比賽等，無論大小朋友都一樣玩得咁開心。