陳豪近日有機會跟劉德華和汪明荃等大卡士看齊，擔任《紅星會》節目嘉賓，令他為這次演出大為緊張。陳豪更會在節目中大開金口及表演舞蹈，希望能為觀眾帶來新鮮感。
連日來積極練習的陳豪，昨早亦到旺角跟歌唱老師梁月玲練歌，而梁老師曾教過的學生有陳小春、Shine、任賢齊、盧巧音及古天樂等，來頭不小。
對於陳豪的歌喉，梁老師有讚無彈，她說：「陳豪雖然把聲比較沉，但係對佢唱歌完全冇影響，佢掌握得好快，有個人風格，唯一要改善就係咬字方面。」
而陳豪則笑說：「有好多朋友都笑我把聲重沙過曾志偉，所以我冇諗過唱歌。我之前做聲帶手術，都係唔想影響拍劇，但係𠵱家覺得學唱歌都可以為將來，可以當係另一個職業上嘅選擇。」
其後陳豪又到將軍澳電視城排舞，自言從未學過跳舞的他，舞步略嫌生硬，但排舞老師David卻表示以初學者而言，陳豪的表現已算不錯。
採訪：李珮洳
攝影：仇志中