英皇3T中的劉思惠（Maggie），在農曆年間每天都吃不停口，她更笑言自己及家人是蝗蟲一族，這幾天掃盡家中的零食。
Maggie日前在電話中說：「過年我食好多嘢呀，年糕、蘿蔔糕、朱古力同薯片，我個家族全部都係蝗蟲，轉頭已經食晒所有零食，不過當我覺得自己開始肥時，我就會忍口，所以唔係肥咗好多。」
Maggie又表示在過年發了新年財，她與友人竹戰時，竟然盲拳打死老師傅，她笑說：「我係『麻雀屎』，我同啲親友打牌，佢哋個個都打得好叻，但我居然贏咗幾百蚊，所以打牌唔一定要打得叻，重要睇吓有冇運。」談到新年願望，Maggie則說：「希望自己出第一隻碟時，可以畀啲驚喜人哋。」
採訪：朱芷瑩 攝影：陳慧安