唔講大家唔知，今年四月七號係手塚治虫創作嘅小飛俠，喺故事入面嘅生日大日子，所以我羅拉一早就收到風，除咗喺小飛俠生日嗰日，會推出成千蚊港紙、專屈我哋呢班fans嘅boxset外，今年重會有好多小飛俠嘅搞作。 前日有關方面就喺東京搞咗一個「小飛俠同窗會」聚會，慶祝卡通片四十周年，當年有份參與製作嘅動畫師同配音員都有出席，而手塚嘅遺孀亦表現得好感動㖭！