前晚六時許，翁虹和一位男性朋友在UA金鐘睇完《捉智雙雄》後離場，翁虹首先步出戲院，而男伴則在她身後五、六個身位左右，其男伴一見有記者便第一時間離開，記者問翁虹他是否其新男友，她說：「你哋唔好咁啦，朋友嚟啫，唔好影響到人啦！」事後翁虹接受記者電話訪問時說：「溫碧霞打電話畀我，話呢套戲好睇，我餓戲餓咗好耐，先至臨時捉咗個朋友捱義氣陪我睇戲，佢係圈外人，而且又唔係我男友，如果我有新男友，一定會企定定畀你哋影！」
此外，宣萱前晚六時許亦在金鐘太古廣場和女性朋友行街，她透露下周一便要去雲南拍《倩女幽魂》，所以要爭取時間和朋友聚會。
採訪、攝影：娛樂突發組