開幕不足一個月的荃灣廣場「童話國」，以低於市價2折起發售名牌童裝來作最強號召，更重要是這個全新一站式童裝特賣場，不像其他特賣場般沒半點裝潢，而是有齊小朋友至愛的旋轉木馬和鞦韆！這個又平又正，號稱全港首個遊樂園式名牌童裝特賣場，點可以唔行番轉？
記者：吳佩璇攝影：林栢鈞Model：Chan'sFamily
近3萬平方呎的「童話國」，分戶外及戶內兩部份。2萬平方呎的戶外兒童陽光樂園，有大型鋼架、鞦韆、滑梯、搖搖板、跳飛機……應有盡有；至於萬呎戶內名牌童裝特賣場就更吸引，目前有Chickeeduck、CrocoKids、GuessKids、Kingkow、KidsWonderland、AlexandraZ、Mothercare共7間童裝品牌，同一款衫，以低於巿價2折起發售，唔嚟行番轉就笨！另外，還有一間益智教育玩具KissMyKids和一間圖書店幼聯滙點。
形式似超市
這些商號間採用了嶄新的無舖界式經營，顧客在場內不同商舖選購後，然後在出口一次過付錢，簡單方便，無商舖間隔，Shop起嚟感覺更鬆動闊落。
所有名牌連鎖店，只限特賣場內以激低價發售，其他分店價錢依然企硬。但咪以為賣到咁抵就必然係斷碼貨，大部份童裝由2-14碼都有，絕不取巧。
西褲$33.8（原價$169）
男孩子衣櫃裏總要有一件藍色格仔恤衫，這裏有分內裏有裡及無裡兩種；配埋條藍色西褲，夠晒斯文靚仔，着返學一樣Fit。(AlexandraZ)
這款BB椅的設計極具彈性，椅前的餐桌Tray可按需要拆去，椅背又可調校高度及斜度。而成部BB椅又可摺合收埋，一啲都唔阻地方。(Mothercare)
這件夾棉褸夠晒細心，分別有毛巾、燈芯絨及抓毛3種不同用料任揀。就連顏色都多過人，啡、紅、粉紅、灰黑、黃、卡其、彩藍、寶藍、紫、綠……Sales都數唔晒！(童裝天地)
斜布長褲$77.7（原價$259）
這件以纖維料做的毛毛大褸夠晒搶眼，而且大方得體，最重要係價錢低過市價兩折！百零蚊買件名牌大外套，買定出年過年着都抵！至於棉質斜布長褲，顏色為金粉藍，一樣好啱過節着。（Chickeeduck）
特賣場的貨色不一定是陳年舊款，好似這件牛仔褸，是02年冬季款式，絕對算新款。留意膞頭等Detail，褶位做得一絲不苟，雖然只是半價，但都入得過。（GuessKids）
童話國Dreamland
查詢電話：24130103
地址：荃灣廣場5樓
營業時間：星期一至五上午11時至晚上9時；星期六、日上午11時至晚上9時半。
開業10年的漫畫迷天地，負責人廖先生本身就是個不折不扣的漫畫迷，儲了20年漫畫，家中藏書9萬。開設的二手漫畫店，也有書過萬。流行漫畫足球小將、OnePiece及狐忍，各售$22。較一手正價約$28-$30，平約4成。
除流行漫畫外，這裏也有經典漫畫。由第1期到第98期的《小流氓》，以至後來由第99期至1,280期的《龍虎門》，全套齊晒。《小流氓》共98期售4萬，《龍虎門》全套則售萬一。
漫畫迷天地
地址：荃豐中心商場地下A12號（24120661）
暴飛鞋專門店香港唔算多，荃灣就有一間，專門店嘅好處係鞋款更齊更新。推介這款全新03Heelys番梘鞋，其特別處是鞋底特設弧位，可以玩埋欄杆。無綫劇集《律政新人王》最近也在鞋舖取景，而Juno及林峰都有這對全新番梘鞋。售$980。
HeelysShop（荃灣分店）
地址：荃灣大壩街荃灣廣場第二層K2-12/13（24929289）
玩健身練大隻的朋友對補充劑相信不會陌生。補充劑是一種能在短時間內加速達到個別目標的營養素，如吞服式的氨基酸，則視乎個別體重食用不同份量，於做運動前及後服食，可達致增肌、增力的目的，售$320/200粒。
Champion
地址：荃灣荃豐中心地下A3D號舖（24988313）