朱茵今年農曆新年在港與家人過節，她表示年廿八開始放假，直至本周二年初四才開工，她日前說：「往年都係飛嚟飛去做嘢多，今年可以同屋企人一齊喺年廿九食團年飯，覺得好開心。」
問朱茵其男友黃貫中有否到她家拜年？朱茵說：「咁就梗係唔使講啦，原來新年放假都唔係好輕鬆，我有四圍去拜年，忙到好似冇放過假咁。」
朱茵昨日已飛往美國康湼狄格州，在當地一個新賭場登台，其後她又要到馬來西亞宣傳唱片和寫真集。早前朱茵與張智霖在內地拍攝的新劇《如來神掌》，已在台灣播映，她說：「我之前已經幫套劇喺台灣做過宣傳，聽講話收視好好，好過《流星花園Ⅱ》，所以遲啲有時間，我會再去台灣一趟。」
採訪：何永寧