哥倫比亞女歌手Shakira呢排一直忙緊佢嘅全美巡迴演唱會，前晚佢就喺德薩斯州嘅拉瑞多演出，我羅拉睇到佢個攰樣就知道佢好辛苦！講真佢都幾慘，呢幾個月係咁唱，都好少機會休息，即使早排NRJ音樂頒獎禮佢係大贏家，都因為做緊騷而去唔到。不過大家唔好以為佢完成全美巡迴演唱就有得唞，事關之後佢又要馬不停蹄去歐洲開演唱會。