財神到、財神到！八方都好想新一年得到財神眷顧，豬籠入水！點知話口未完，噚日就喺中環長江中心外見到「財神」。呢個「財神」重話要見超人李嘉誠，向佢獻上一個二百億振奮人心方案。
「財神」究竟有乜好計獻畀超人？原來佢建議長實、新地、恒基、新世界同恒隆五大上市公司，齊齊斥資二百億元購入政府停售嘅居屋，再搞一個每個香港人都有機會中獎嘅新春大抽獎，睇吓邊個咁好彩抽中啲居屋單位。不過，李超人似乎唔係好領情，「財神」亦遭警員同長江中心保安員阻攔，無緣同超人坐低傾傾。
原來「財神」係一個名為香港監察團嘅代表假扮嘅，佢哋不過係請願，反對政府停售居屋啫。
張家俊攝
傳真︰2623-9278
電郵︰