二三線股仔炒還炒，但凡事總會有幸有不幸，好似近排股價勁跌的德信控股（758），除咗老闆頻被追債外，亦有股權易手傳聞出現，當然就唔係買家賣家開開心心一齊講數個隻。
德信股價在呢個多月內，由0.6至0.7元一路係咁被質，老闆被追欠債新聞又頻頻出現，被追金額成幾千萬，雖然公司堅稱業務運作無受影響，但相信一般投資者都會覺得大事不妙。
德信噚日跌得重急，一度插落0.136元，收0.158元，成交股數137萬股。
年輕賓架話，早排融資界已傳過，話德信有機會放盤，但早排間公司批過一次股，配售4900萬股新股，每股作價0.225元，集資1050萬元以後，賣盤傳聞就停過一陣。但家陣隻股咁嘅表現，似乎係另有內情，加上家陣股價重低過批股價，究竟人哋重肯唔肯要呢手貨，真係好難講。但姑勿論如何，年輕賓架話，以殼論殼，德信細還細，都叫做企理。
慕容小初