教育統籌局常任秘書長羅范椒芬（Fanny）噚晚接受港台新節目《教育理想點》訪問，主持人講到過去幾年教改令好多人不滿，Fanny即時話感到好遺憾，因為自己做局長任內，唔能夠確確實實咁減輕教師工作量。
佢重自我反省，話覺得以前向校長老師解釋教改理念唔夠清楚，令好多人批評政府。
俾人鬧得多，Fanny話可以向內地師範學院偷師，原來內地興用「大字報」式做法，將一啲改革理念簡化做一兩句說話，好扼要咁解釋問題，Fanny認為咁做大家會容易啲明白政府諗法喎。香港遲吓咪可能會標語滿天飛？
傳真︰2623-9278
電郵︰