保時捷CarreraGT日內瓦車展亮相

保時捷CarreraGT日內瓦車展亮相

備受車迷注目嘅保時捷CarreraGT跑車,將會響嚟緊3月舉行嘅日內瓦車展中亮相;當中最惹人注目,相信會係一台能輸出612匹馬力,同埋60.2kgm扭力嘅5.7公升V10引擎,不但輸出數值驚人,加上只有1380kg嘅車重,難怪0至100公里嘅加速度僅為3.9秒,而極速更可高達330km/h咁快啦!另外,保時捷廠方亦為全新CarreraGT跑車,配用獨有嘅PCCB(PorscheCeramicCompositeBrake)制動系統,從而能予人有收放自如嘅效果;除此之外,全新車架結構、前輪265/35ZR19及後輪335/30ZR20輪胎組合,亦能令車子有不俗嘅路面循迹性呢!至於造型方面,新車線條亦甚具流線型,襯以闊大跑車胎軨組合,一派高性能跑車形象可謂表露無遺;但廠方暫時卻未有公布關於此車嘅更詳細資料,有興趣嘅車迷不妨拭目以待喇!