衞生服務界立法會議員麥國風噚日請成班記者去佢屋企團拜，由於佢嘅豪宅大門貼有「HONKFMAK」（尊貴的麥國風議員）門牌，所以八方冇摸錯門口。
麥國風着到成個利是封咁同記者拜年講笑，麥太就十足阿四，唔停手喺廚房整嘢食，麥國風話老婆最拿手係整魚翅，成班行家食完，都覺得佢冇講錯。
麥國風自詡當年有玩健身，所以有好多女仔追，又大談「𠝹」女心得，就係唔可以靠第一印象。佢話年前去台灣參觀選戰，初次見到光華新聞文化中心主任路平，見佢戴住副黑超，着件緊身衫，身形苗條，當時真係驚為天人：「我以為佢好後生，點知除低眼鏡，哈，原來咁有性格。」路平聽到，唔知應唔應該講聲多謝呢？
麥太就話老公自認情聖只係作大：「當年佢玩健身，真係有胸肌腹肌，不過𠵱家就皺晒皮啦！」
傳真︰2623-9278
電郵︰