早前，亞Mark話過富士代理，即將在港推出全新Impreza車系；原定代理希望響2月中可以運嚟嘅新車，由於船期問題，相信要推遲至2月尾才抵港，惟至今經已有唔少ImprezaFans訂車。當中，頂級版四門ImprezaSTi嘅6前速手波版不過賣35萬8千，而街版嘅ImprezaTurbo型號，四門自動波跟五門掀背手波版，都不過賣24萬8千咋！雖然車價較上一代貴咗2萬蚊左右，但設備就齊全得多，既有齊17吋跑車合金胎軨、HID大燈、原廠尾翼跟電天窗外，重有前輪四活塞後輪兩活塞制動碟。咪話亞Mark賣花讚花香，單係一對車頭白燈同四輪制動器，就經已值番啦！若然你喜歡手波車嘅起跑爆炸力的話，部新版ImprezaTurbo四門手波版，都不過賣24萬3千；想快人一步擁有新款街霸嘅Impreza的話，就真係要及早落Order喇！