老董下星期一會喺立法會同議員「開年」，唔係講手，只係每年一度嘅新春午宴。
政府喊窮，秘書處今年都唔敢大使，講到明只係經濟午餐，重搞咗個「開年何價」遊戲，有份食飯嘅高官議員，齊齊估吓餐飯食嘅五道開年菜式要幾錢，而冇得食嘅記者，就可以競猜邊個高官議員估得中。咁好玩嘅遊戲都諗得出，秘書處都算好有心思。
玩得呢個遊戲，唔使估都知價錢肯定令人有意外驚喜，不過食得平定貴，最終都係納稅人畀錢。
立法會開年飯都要咁慳家，八方都唔好意思問秘書處，玩贏競猜遊戲有乜禮物。希望特首同班高官議員都食得高興啲啦。
傳真︰2623-9278
電郵︰