大抵每個人都（至少）有一道kinky菜；古怪的食物，或古怪的食物組合、煮法、食法，kinky菜也。小時候的哥哥，灑胡椒粉上方包片，搓成波狀食。把脆卜卜的加拿餅浸入加了砂糖的熱水吃是媽媽心頭好。某女長輩獨愛將車輪包浸水，名副其實食發水麵包。某男愛煞阿華田煮通心粉做早餐。女友U吃即食麵就夠病狂，將麵餅壓碎至近乎粉狀才下水煮，煮至水份幾乎吸光，麵呈糊狀才為之perfect。
更kinky的，是吃跟身體有關的。第一次嚐血，通常從自己入手。未熟的焦，夠膽搣就夠膽食。未食過自己鼻屎的人，未夠愛自己。吞愛人一條頭髮，就一世了。咬自己指甲和手皮，不夠扯個衰人的來得痛快。我委屈，我咬唇，我憎死你。我哭，你吻去淚水，我喊得重勁。「擎」乾水等你，不如滴着汗等我。如果生吞愛液就叫愛，那又何況成杯上。如果你已經嘔緊，你是太斯文啦！
（編按：東西續稿未到，暫停一天。）
容雅慧