李彩樺日前應本報「偶像齊齊玩」邀請，與fans到海洋公園共度新歲，眾人大玩掟雪球和機動遊戲。李彩樺玩得甚投入，恍如一個大細路，熱情更打動眾fans。
今日是年初七亦即人日，李彩樺（阿Rain）日前與一班忠實fans到海洋公園預祝人人生日，與眾同樂。
一行八人首先到真雪場打雪戰，眾人分成男子組及女子組作賽，互掟雪球。好動的阿Rain與fans玩得十分投入，場面熱鬧。
其後阿Rain率領眾fans到「飛天小女警」巨型吹氣公仔遊戲區，阿Rain一看到飛天小女警的巨型吹氣公仔時即高呼：「好玩啊！」隨即跳上軟墊上跳個不停，十足大細路，而表現文靜的fans亦被她的熱情打動，眾人蜂擁而上，當中更有人跌到一仆一碌，十分搞笑。
玩完遊戲後，膽大的阿Rain提議與fans一同玩刺激的「海盜船」及「越礦飛車」等機動遊戲，其中男fans阿嵐更有機會與阿Rain乘坐纜車，他說：「好開心，真係冇諗過可以同阿Rain一齊去海洋公園玩，知道咗之後，我喺屋企笑咗成個鐘，媽咪以為我有乜事㖭！」
對於喜歡戶外活動的阿Rain來說，今次能與fans聚會感到十分高興，她說：「其實我好鍾意嚟海洋公園㗎，為咗玩同影靚相，我每年都會同啲舊同學嚟一次，今次我覺得好好玩。」
採訪：羅慧敏攝影：甄朝建
