香港經濟低迷，樓價大幅下滑，房屋及規劃地政局局長孫明揚出嘅「孫九招」又未見成效，有新加坡商家見香港嘅負資產業主咁慘，竟然大派股票，話到明要協助佢哋走出谷底喎。呢個商家就係新加坡公司「森林項目」嘅大股東孫聚得，而「森林項目」可能會喺香港上市，佢推出嘅「物業負資產人士支持計劃」，係向合資格嘅申請者派發佢嘅「森林項目」股票，待公司上市後，會再向業主購入物業。
孫聚得喺記者會上話，今次咁做係繼承佢先父嘅宏願，為社會作出貢獻。計劃會同時喺香港、新加坡同馬來西亞進行，派發股票嘅總數共有一億四千幾萬股。究竟有冇咁大隻蛤蚧隨街跳？孫聚得就話今次擺到明係做善事，信唔信就由市民自己決定喎。今次真係信不信由你喇！
傳真︰2623-9278
電郵︰